Mae Tic Toc yn stori gerddorol am grŵp o ffrindiau agos oedd yn

gweithio gyda’i gilydd mewn ffatri. Bu’r criw yn canu, chwerthin a dawnsio gyda’i gilydd, yn profi cryfder eu cyfeillgarwch tra bod y byd o’u cwmpas yn newid. Yna daeth rhwyg i amharu ar eu cyfeillgarwch. A nawr mae aduniad wedi’i drefnu... ond mae un ohonynt heb dderbyn gwahoddiad! Mae Tic Toc yn talu teyrnged i fenywod y ffatri mewn sioe sydd wedi’i seilio ar eu straeon a’u hatgofion. Ymunwch â nhw i ail-fyw’r gorffennol wrth iddynt ddod at ei gilydd i ail-greu’r amseroedd da a’u hieuenctid!

Mae Tic Toc yn talu teyrneged i gryfder arwrol ac asbri menywod y ffatri, ein mamau a’n neiniau, mewn sioe sy’n dathlu eu bywydau a sydd wedi’i seilio ar eu straeon a’u hatgofion a gasglwyd gan Archif Menywod Cymru ar gyfer y prosiect hanes llafar Lleisiau o Lawr y Ffatri.  Cludir y gynulleidfa gan gast cryf o rai o’n hoff actorion i ffatri rhywle yng Nghymru yn ystod 60au a’r 70au’r ganrif ddiwethaf mewn sioe gerdd hwyliog ynglŷn a brwydr menywod y ffatri dros gyfiawnder a chydraddoldeb.